昨日認識了一位我懷疑係單身既男士Wilson，27歲，有正職又有自己搞啲小生意咁，佢言行正常，但係單身當然係有其原因。

要吸引異性，就要有其吸引之處。

風趣幽默──女生都係人，都係會對啲搞笑既人加分，鐘意同佢地玩，因為開心呀嘛。我少有見搞笑但係識唔到女朋友既(不過都有見過，容後再談)。可惜，幽默感大多數係天生，又同個人轉數有關。咁點算呢？其實係一個圈子裏面正常都會有啲搞笑既人，如果你自問有搞笑細胞，可以在大家講緊野既其間，開一兩個小玩笑，增加氣氛。咁樣你都會比人一個女印象，而女生也會樂於和你傾談。

要有自信──至少在表現的的專業的時候。表現平平往往只能有普通的吸引力，而男人如何增加吸引力呢？說來簡單，就是表現自己工作上既專業。女人多數都會欣賞做野叻既男人，但係如何喺casual既環境例如一齊食飯中去表現呢一點呢？其實都好易，你首先大可分享一吓你公司既趣事，你又可以講吓你嗰行啲update既行情，或者有啲咩新聞係關於你嗰行既，你又可以share你既睇法。最後，你可以張你既專業知識，化做故事，講比每一個你新識既朋友知，咁你會變得好有趣和受歡迎。

對金錢不要太小器，要有洗錢的心理準備──以我的觀察，有不少男生怕港女，就係好怕佢地會叫佢買乜買物，洗自己好多錢，於是成副戒備狀態，表現得好小器。老實講，呢個都係死穴之一。出得來同女仔玩，行街睇戲食飯冇一樣係唔洗用錢架喎，再者，你要建立一個家庭其實都係要付出經營，所以，你必先要有一個洗錢既心理準備，而呢個point反而係女仔要考驗各男士既重要一環。銀包唔好到冇錢先去ATM，唔好等人比。咁有男仔話如果遇到啲好老憑既咁點，好簡單，咪冇下次囉，而且咁都證明佢唔啱你啦。男仔唔好成日怕比人騙。