真有才華的發篇文章都能走紅，出人頭地不是夢，今天讀到這個覺得很受用

http://forum5.hkgolden.com/view.aspx?type=LV&message=5046529

心態(1) 

各位有無一個經驗,就係當你好在乎一樣野,或者一種東西。就會每日提心吊膽,戰戰兢兢,活在惶恐之中,最後甚至會情緒失控,嚴重者更加會崩潰。 

相反,如果抱住謀事在人,成事在天既態度,唔去期望得失,反而會過得欣然,無期望,自然會無失望,人自會有正能量,能夠感染到身邊既人同事,緊張情緒自會一掃而空。 

其實,係任何範圍既事,無論學業,事業,家庭,戀愛,婚姻方面,如果能夠舉重若輕既話,自然會活得自在。俗語有云:治大國如烹小鮮,又有幾多人領略到呢種境界? 

當然大家會話,講容乜易,咁易做到咩? 咁呢方面只要豐富你人生閱歷,自會能夠將負能量減低,同意嗎? 

心態(2) 

最近成日聽巴打們講,甚至筆者自己都親身見過唔少自稱毒向左走向右走既巴打們,其實好多人都疑惑,為何對方明明就外型身型唔錯,衣著都緊貼潮流,為何還會俾人覺得毒既感覺? 

以本人所認知,所謂毒唔毒好多時源自於做人既心態。想像一下,如果凡事執著,放唔開,有諸內形諸外,就會俾人一種好重負能量既感覺,而呢種感覺係會互相感染,令人對你避而遠之,形成惡性循環,想脫毒就會更難,遙遙無期。。 

反而若果你個人本身充滿正能量,能夠凡事看開,知道世間好多事唔能夠強求,天跌落黎當被冚既態度既話,就算你外型點差,衣著幾cheap都好,一樣會令自己樂觀既態度感染別人。而正能量一樣可以互相感染,大家互相勉勵,層次境界自會唔同。。 

當然,睇唔睇得開,好多時就取決於個人經歷同埋遇事時既態度,個人成功與否取決於此,對嗎? 

心態(3) 

一直以黎係高登睇到好多巴絲們經常對現狀不滿,例如唔知點脫毒,唔知點同男/女神溝通,當兵又唔知點退伍等。。。其實大家有無諗過改變自己心態,擺脫現有既生活模式,離開現有既舒適圈(comfort zone)呢? 

好多人會對不可預知既改變,會存在一種恐懼同不安感。因為要打破一直以黎既生活同思考模式,意味住過往所倚賴既心態要局部甚至全盤推翻,尤其大家對改變之後既不可知既將來感到不知所措,都係大家拒絕改變留在舒適圈裡面既最大理由! 

但各位又有否想到,如果一直存在咁樣既思想,隨住年紀漸長,想改變既阻力就會越大,到時就會俾更大壓力自己,令自己唔敢面對。到最後索性採取放棄既態度,所謂咁就一世,白白糟蹋自己既人生呢?