唔知點解
自從我Grad左之後已經無乜點用部智能手機
係櫃桶搵番部Nokia出黎用，除左有電筒同SMS之外就咩其他比較實用既功能都無

我知，你會話手機好用就算見工點都要用
但係其實最低限度係要聽電話同留言信箱
你根本無需要時時上住網3G4G咁去

原來早做夜做就係為左供部電話
但我心諗其實我唔係秒秒幾十萬上落（除左打飛機）
有咩可以等有Wifi先講，依家週圍都有wifi，又有留言信箱
俾我隨身上網都只係睇人Facebook同Whatsapp
係好多圖好多字，但說穿其實都只係極力地呼喊自己既空虛同寂寞
然後Nobody Cares，我睇住隔黎條友係佢Facebook掃上掃落
然後睇Whatsapp，玩Candy Crush，幾分鐘重覆一次
其實好寂寞

部手機快又點慢又點，最多你咪又係Candy Crush
貴又唔見得你用得哂，唔見左你又麻煩
出街又唔會有人同你挑機，無人要同你比，你又唔係闊太有錢佬，關你鬼事

我望住自己部智能手機，後悔點解當初入U要同人Social
以為有部潮機會好型，結果U幾年都係毒L
自己PartimeD錢用哂黎供一部手機，3G上網，但係連GrantLoan我都未俾得起
結果依家落黎，只有部Galaxy Nexus，仲要KitKat無我份

我好後悔，如果我可以揀，情願個時買多幾部Nokia
起碼佢電池夠，可以一路用電筒，照住我俾D光我

知道手機有電筒又唔食電，知道幾時部電話都一定有電又唔會跌爛，其實好有安全感